Мәчеләр театры җитәкчесе Юрий Куклачев “Ярдәм” мәчете бәйрәмендә катнашачак

19 июльдә “Ярдәм” мәчете комплексы ачылуның 8 еллыгына багышланган зур урам бәйрәме узачак. Уенлы, ярышлы, җырлы-моңлы бәйрәм “Ярдәм” мәчете ишегалдында оештырыла.

“Ярдәм”гә кунакка Мәскәүдән мәчеләр театры мөдире, Россиянең халык артисты, “Школа Доброты” өстәмә укыту программасы җитәкчесе Юрий Куклачев та киләчәк. Ул балалар белән мастер-класслар оештырачак.

Бәйрәм сәгать 10да башлана.